Večernja molitva Mariji
Hod’mo spat, Boga zvat,
Svetin križen prebivat!
Križ teče po nebe,
A Marija po zemlje
Kričeći, moleći, 5
Svoga sinka proseći:
„Daj mi, sinko, onu stvar,
Ku ti je Bog obećal."
„„Meni je Bog obećal,
I va ruke ključe dal, 10
Da mu polje varujem.
Na polje je Marija,
Na kantride sedila,
Žute kose česala,
Bele ruke mivala: 15
Kamo ih je mivala,
Tamo j’ slava padala.
Sve slavići ’kolo nje,
Sve dušice su skraj nje.
Rajnice gredu 20
Z rajskima vrati,
Su se pominjale,
Kade te prespati; —
Pred svetoga Jurja vrati.
Sveti Juraj Jurovnik, [1] 25
Ki nam budi pomoćnik,
Svaku uru, svaki hip,
Od večera do zore,
Dokle peteh zapoje.
Kada peteh zapoje, 30
Mat Mariju zazove:
Stante gori, Mat Marija!
Gostići van gredu.
Ča su to gostići?
Angelići božji. 35
Ča tu išću, ča tu gledaju?
Milost božju, kripost božju!
Bog jin je daj, Bog jin je daj!
Amen Isus.
„Glasnik“ 1865 Volč. zbirka.
Датотека:Murat Sipan vinjeta.jpg
