Левен Никола и его сестра
Завршил ми се левен Никола,
ми се завришл на врв планина.
Не се завршил, ток' се разболел.
С него имаше девет овчари,
девет овчари, верна дружина. 5
Ми изговори левен Никола:
„Да ај ви вами, девет овчари,
не ли појдите долу во село
да је речете сестре Марије:
'Да се промениш во бело руво, 10
чисто-но стребро да го не клаваш'!"
От ми појдоје девет овчари,
и ми појдоје долу во село.
Викум викајет на вити порти:
„Не ли излези, бела Маријо!" 15
От ми излезе бела Марија:
„Добре дојдовте, девет овчари,
не ли седите, ручек да уготва!"
Изговорије девет овчари:
„Да ај ти тебе, бела Маријо! 20
Несме си дошле ручек да готвиш.
Ми се завршил левен Никола,
да се промениш во бело руво,
чисто-но стребро да го не клаваш."
От кинисаје да ми је одит, 25
ми је одеје, шчо поодеје.
Ми изговори бела Марија:
„Да ај ви вами, верна дружино,
шчо ми мирисат тамњановина,
тамњановина и воскови?" 30
Изговорије девет овчари:
„Да ај ти тебе, сестро Маријо,
в гора имајет секакви билки,
секакви билки секак’ мирисат."
Пак ми одеје, шчо поодеје. 35
Пак изговори бела Марија:
„Да ај ви вами, девет овчари,
девет овчари, верна дружина,
как да ми пејет девет попови!"
Изговори је девет овчари: 40
„Да ај ти тебе, бела Маријо,
секакви пилци, секако пејет."
Пак ми одеје, шчо поодеје,
се искачије горе в планина.
Кога ми виде бела Марија, 45
кога ми виде, шчо да ми видит:
коде ми пејет девет попови,
да ми умрело левен Никола;
ми извадила фрушко-но ноже
да се убоди под бело грло — 50
се учинаје два пресни гроба.
Датотека:Murat Sipan vinjeta.jpg
