Sveta Mare ovce pase

* * *

[Sveta Mare ovce pase]

Sveta Mare ovce pase
po gorici, po travici,
svojin ovcan besidila:
„Vi pasite, ovce moje,
ne bojte se mrka vuka 5
ni onega žulka pruta!"
Grede Mare ponaprida
ujala je hudobinu,
govori jon hudobina:
„Stan počekaj, sveta Mare, 10
kazat ću ti naša dila;
kada judi gredu spavat
a mi gremo potantavat,
ko se križon ne križaše,
ko se Bogon ne moljaše, 15
ujat će se vražjon mrižon.
To je naše naslajenje!"
Zato Mare i ne haje;
uzdon je je zauzlala
po kamenu potezala, 20
dok je javla zagubila.

Датотека:Murat Sipan vinjeta.jpg

---

Референце

Извор

Olinko Delorko: Narodne pjesme otoka Brača, "Narodna umjetnost", 1980, Vol. 11/12 No. 1, 1975., str. 218.