Sijala Mare murtelu

* * *

[Sijala Mare murtelu]

Sijala Mare murtelu
u onu svetu nedilju,
šta ju je riđe sijala,
to jon je gušće nicala.
Tuda prolazi mlad mornar 5
i lipu Maru upita:
„Pošto je, Mare, murtela?"
„„Svaka je grana po dukat,
a van mornarin i po dva.""
„Donesi, Mare, na brode, 10
ma dat ćemo ti i po tri!"
Donila Mare na brode,
prisikli ćordon konope,
bacili skalu u more.
A ka’ se Mare obrne, 15
devet je milja od kraja,
tute proleti siv sokol.
Sokolu Mare govori:
„O moj sokole pitomi,
ti pojdi k mojon materi 20
i reci mojon materi,
da onu moju krunicu,
neka postavi na oltar,
a onu moju brnicu
neka udili sirotan, 25
a onu drugu veštalju,
neka otisne niz Dunav,
neka je Dunav odnese
ka mene mladu od majke!"

Датотека:Murat Sipan vinjeta.jpg

---

Референце

Извор

Olinko Delorko: Narodne pjesme otoka Brača, "Narodna umjetnost", 1980, Vol. 11/12 No. 1, 1975., str. 216-217.