* * *
Lako je prevariti majku
Sinoć s mojin ja besidin dragin,
A jutros ga ni vidila nisan;
Uzmen vidro i na vodu pojden,
Tot na vodi moga draga najden;
Dobru san mu sriću nazivala: 5
„Dobra srića i milo i drago
„A on meni odgovori dragoj:
„Nit san dragi, nit me zovi dragin,
„Sinoć san ti mimo dvore proša
„I ćuo san, draga dušo moja, 10
„Da te majka i bije i kara
„Za nijedno udo dilo tvoje
„Već za ćesto dolazenje moje,
„Već ti dušo dolaziti ne ću."
„„Dojdi moje i dovečer drago, 15
„„Ti ne vodi sobon nikogare
„„Nego konja i giva sokola,
„„Veži konja za granu javora,
„„A sokola za struk kalopera;
„„Konj će ržat, a sokol će sivat, 20
„„Pa će reći moja stara majka:
„„Ko lov lovi oko dvora moga?
„„Ko lov lovi, ne ulovija ga!
„„Niman moga sina na ženjenje,
„„Niti jeman na udaju ćere, 25
„„Ti joj reci, moje milo drago:
„„Kako nimaš na udaju ćere?
„„Svu m’ e nojcu na rukan prispala,
„„Žuta kosa ruku prižujala!""
Датотека:Murat Sipan vinjeta.jpg
|
|
Референце
Извор
Marjanska vila, ili Sbirka narodnih pjesama, skupljenih u Spljetu po Dujmu Srećku Karamanu, U Spljetu, Brzotiskom Ante Zannoni-a, 1885., str. 47.
