* * *
Kada nevjesticu vode
(Veprinačka.)
„Pojti ti je, pojti divojčica mlada,
Od tvoje majčice do tuđe majčice.
Tvoja majka lomom kruha ulomila,
Pak ga j’ tebi, hćerce, milo podelila;
Tuđa majka nožem kruha odrizala, 5
Pak ga j’ nevesti na noge metala.
Tvoja majka nožem sira odrizala,
Pak ga j’ tebi, hćerci, milo darovala;
Tuđa majka nohtom sira oškrnula,
Pak ga je nevesti pred noge hitila. 10
Tvoja majka svedrom bačvu navrtala,
I svojoj hćerici dobre volje dala;
Tuđa majka iglom bačvu prevrtala,
I nevesti svojoj malo piti dala.“
Nevestica mlada milo govoraše, 15
Tere majki svojoj gorko tugovaše:
„„Da ja nisam, majko, poli vas bivala,
Ča sam tužna k svekrvici dohajala!"“
Iz Volćićeve zbirke.
Датотека:Murat Sipan vinjeta.jpg
|
|
Референце
Извор
Istarske narodne pjesme, izdala "Istarska književna zadruga", [Opatija], 1924., str. 167.
